ക്വാറന്റൈൻ ജീവിതം 😊
എസിയുടെ നനുനനത തണുപ്പിൽ പട്ടുമെത്തയിൽ ഇരുന്നു അയാൾ 17 ആമത്തെ നിലയിലെ , ആ വലിയ ജനാലയിലൂടെ പുറത്തേക്കു വിശാലമായ നീല കടലിനെ നോക്കിയിരുന്നു . ഒന്ന് നെടുവീര്പെട്ടശേഷം , അയാൾ കലണ്ടറിൽ നോക്കി , അയാൾ അവിടെ വന്നിട്ട് 4 ദിവസങ്ങൾ കഴിഞ്ഞു. ക്ലോക്കിൽ 12 ;30 ആകാൻ പോകുന്നു. ഉച്ച ഭക്ഷണം വരാനുള്ള സമയം ആയീ എന്ന് അയാൾ മനസ്സിൽ ഓർത്തു. കോഴിയിറച്ചിയും പച്ചക്കറികളും പഴങ്ങളും ചേർന്നെത്തുന്ന ആ ഊണിനെ അയാൾ വെറുത്തു തുടങ്ങിയിരുന്നു .
അയാൾ തടവിൽ ആണെന്ന നിരസിക്കാനാവാത്ത സത്യം അയാൾ
മനസിലാക്കിത്തുടങ്ങിയിരുന്നു . കടലിൽ ആർത്തുല്ലസിക്കുന്ന മനുഷ്യരെ നോക്കി അയാൾ
പല്ലിറുമ്മി. അവർ അങ്ങോട്ടും ഇങ്ങോട്ടും വർത്തമാനം പറഞ്ഞു നടക്കുന്നതു കണ്ടപ്പോൾ ,
അവരിൽ ഒരാളാകാൻ അയാൾ കൊതിച്ചു.
വരാനിരിക്കുന്ന സാദാരണ ജീവിതത്തെ അയാൾ സ്വപനം
കണ്ടുതുടങ്ങി . മനുഷ്യരുമായീ വർത്തമാനം പറയുന്നതും വഴക്കിടുന്നതും അയാൾ ആലോചിച്ചു ;മനസ്സിൽ ചിരിച്ചു . ഏകാന്തതയെ വലിച്ചെറിയുന്ന ആ
നിമിഷത്തിനായീ അയാൾ മനസികമായീ തയ്യാറെടുത്തു . എങ്കിലും അയാൾക്ക് അറിയാമായീരുന്നു
, അയാൾ വീണ്ടും ഏകാന്തത ആഗ്രഹിക്കും എന്ന് ......
“ബന്ധുര കാഞ്ചന കൂട്ടിലാണെങ്കിലും ബന്ധനം ബന്ധനം തന്നെ പാരിൽ”
Comments
Post a Comment